ଓଡ଼ିଆ ସଂସ୍କୃତିରେ ଖାଦ୍ୟର ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଓଡ଼ିଶା ସବୁ ଜିଲ୍ଲାରେ କିଛି ଲୋକପ୍ରିୟ ଖାଦ୍ୟ ମିଳିଥାଏ । ସେଇ ଅଞ୍ଚଳଗୁଡିକ ସେଇ ଖାଦ୍ୟ ପାଇଁ ବେଶ ପ୍ରସିଦ୍ଧ ହୋଇଥାନ୍ତି । ଯେମିତିକି ଦହିବରା ଆଳୁଦମ କହିଲେ ସଂଗେସଂଗେ ଆମ ମନକୁ କଟକ କଥା ଆସେ । ସେହିପରି ଓଡ଼ିଶାର ପଶ୍ଚିମାଞ୍ଚଳ ମଧ୍ୟ ବିଭିନ୍ନ ପ୍ରକାରର ବ୍ୟଞ୍ଜନ ପାଇଁ ବେଶ ପ୍ରସିଦ୍ଧ । ସମ୍ବଲପୁରର ସରସତିଆ ହେଉ କି ବଲାଙ୍ଗୀରର ଚାଉଳ ବରା କିମ୍ବା ବୌଦ୍ଧର ଲେଥା ସବୁଥିରେ ରହିଥାଏ ଭିନ୍ନ ଏକ ସ୍ୱାଦ ଆଉ ବାସ୍ନା । କଳା, ସଂସ୍କୃତିକୁ ନେଇ ପଶ୍ଚିମ ଓଡିଶା ଯେତିକି ଚର୍ଚ୍ଚିତ, ସେମିତି ମଧ୍ୟ ଖାଦ୍ୟକୁ ନେଇ । ଆସନ୍ତୁ ପଶ୍ଚିମ ଓଡ଼ିଶାର କିଛି ଲୋକପ୍ରିୟ ଖାଦ୍ୟ ସମ୍ପର୍କରେ ଜାଣିବା ।