ପ୍ରଥମ ଓଡିଆ ଚଳଚ୍ଚିତ୍ର ‘ସୀତା ବିବାହ’ର ଦୀର୍ଘ ବାର ବର୍ଷ ପରେ ପରଦାକୁ ଆସିଥିଲା କଥାଚିତ୍ର ‘ଲଳିତା’ । ୧୯୪୮ ମସିହା ନଭେମ୍ବର ୧ ତାରିଖରେ ଏହି ଚଳଚ୍ଚିତ୍ରଟି ମୁକ୍ତିଲାଭ କରିଥିଲା। । ତେବେ ସ୍ୱାଧିନତା ପରେ ଏହି ଚଳଚ୍ଚିତ୍ରଟି ଥିଲା ପ୍ରଥମ ଓଡ଼ିଆ ଚଳଚ୍ଚିତ୍ର । ଏହି ସିନେମାରେ ଲୋକନାଥ ମିଶ୍ର, ଉମା ବାନାର୍ଜୀ, ମାଖନଲାଲ ବାନାର୍ଜୀ, ସୁମତି ଦେବୀ, ପଙ୍କଜ ନନ୍ଦ, ଦାମୋଦର ଦାସ, ଗିରିଧାରୀ ପଣ୍ଡା, ନଳିନୀ ତ୍ରିପାଠୀ ଓ ପ୍ରଫୁଲ୍ଲ ସିଂହ ପ୍ରମୁଖ ଅଭିନୟ କରିଥିଲେ । ଗୌରେନ୍ଦ୍ର ପ୍ରତାପ ସିଂଦେଓଙ୍କ ପ୍ରଯୋଜିତ ଓ କଲ୍ୟାଣ ଗୁପ୍ତାଙ୍କ ଦ୍ୱାରା ନିର୍ଦ୍ଦେଶିତ ଏହି କଥାଚିତ୍ରର କାହାଣୀ, ସଂଳାପ ସହ ଗୀତ ରଚନା କରିଥିଲେ କାଳୀଚରଣ ପଟ୍ଟନାୟକ । ଜଣେ ଆଧୁନିକ ଓଡ଼ିଆ ନାଟ୍ୟକାର, ଗୀତିକାର, କବି, ଓଡ଼ିଶୀ ସଙ୍ଗୀତଜ୍ଞ ଓ ନୃତ୍ୟ ବିଶାରଦ ଥିଲେ କାଳୀଚରଣ ପଟ୍ଟନାୟକ । ତାଙ୍କୁ ଆଧୁନିକ ଓଡ଼ିଆ ନାଟ୍ୟଶାସ୍ତ୍ରର ‘ଭରତମୁନି’ ବୋଲି ମଧ୍ୟ କୁହାଯାଏ । ଗୌର ଗୌସ୍ୱାମୀ ଓ ସୁରେନ ପାଲଙ୍କ ସଂଗୀତ ନିର୍ଦ୍ଦେଶନାରେ ଏହି ସିନେମାରେ ୭ଟି ଗୀତ ରହିଥିଲା । ଏହି ସିନେମାରେ ଥିବା ସମସ୍ତ ଗୀତଗୁଡିକ ବେଶ୍ ମନଛୁଆଁ । ସୁମତି ଦେବୀ ଏହି ଚଳଚ୍ଚିତ୍ରରେ କଣ୍ଠଦାନ କରିବା ସହ ଅଭିନୟ ମଧ୍ୟ କରିଥିଲେ । ଏହି ଫିଲ୍ମରେ ରହିଥିବା ‘ବସନ୍ତ ଫେରି ଅନା …. ‘ଗୀତରେ ନୀଲିମା ସାନ୍ୟାଲ କଣ୍ଠଦାନ କରିଥିଲେ । ଏହି