ବିଶ୍ୱରେ ଏବେ ସବୁଠୁ ଗମ୍ଭୀର ସମସ୍ୟା ରୂପେ ଉଭା ହୋଇଛି ପ୍ରଦୂଷଣ । ପ୍ରଦୂଷଣ ନିୟନ୍ତ୍ରଣ ଆଜିର ସବୁଠି ବଡ ଆହ୍ୱାନ । ସମଗ୍ର ବିଶ୍ୱ ଏବେ ଏହି ଭୟଙ୍କର ସମସ୍ୟାରେ ପ୍ରପୀଡିତ । ଏହି ସମସ୍ୟାର ସମାଧାନ ପାଇଁ ଚେଷ୍ଟା ଚାଲିଥିବା ସତ୍ତ୍ୱେ ଏଥିରୁ ସଫଳତା ମିଳୁନାହିଁ । ତେବେ ଭାରତରେ ମଧ୍ୟ ଏହି ସ୍ଥିତି ବେଶ୍ ବିପନ୍ନ । ଦେଶରେ ପ୍ରଦୂଷଣ ନିୟନ୍ତ୍ରଣ ନେଇ ସଚେତନତା ସୃଷ୍ଟି ପାଇଁ ଉଭୟ ସରକାରୀ ଓ ବେସରକାରୀ ସ୍ତରରେ ବହୁ ଉଦ୍ୟମ ହେଉଛି । ପ୍ରଦୂଷଣ ନିୟନ୍ତ୍ରଣ ପାଇଁ ଏକ ଦିବସ ମଧ୍ୟ ପାଳନ କରାଯାଉଛି, ତେବେ ଆସନ୍ତୁ ଜାଣିବା ଭାରତରେ ପ୍ରଦୂଷଣ ନିୟନ୍ତ୍ରଣ ଦିବସ ପାଳନ ପଛର କାହାଣୀ ଓ ଉଦ୍ଦେଶ୍ୟ । ପ୍ରତିବର୍ଷ ଡିସେମ୍ବର ୨ ତାରିଖରେ ଭାରତରେ ପାଳିତ ହେଉଛି ଜାତୀୟ ପ୍ରଦୂଷଣ ନିୟନ୍ତ୍ରଣ ଦିବସ । ପ୍ରଦୂଷଣ ବୃଦ୍ଧି ହେତୁ ସୃଷ୍ଟି ହେଉଥିବା ସମସ୍ୟା ବିଷୟରେ ସଚେତନତା ସୃଷ୍ଟି କରିବା ପାଇଁ ଏହି ଦିବସ ପାଳନ କରାଯାଏ । ସମ୍ପ୍ରତି ବିଶ୍ୱରେ କରୋନା ମହାମାରୀଠାରୁ ଅଧିକ ଉଦବେଗଜନକ ସ୍ଥିତିରେ ବାୟୁ ପ୍ରଦୂଷଣ ସମସ୍ୟା ରହିଛି । ରାଜଧାନୀ ଦିଲ୍ଲୀରେ ଜାରିରହିଥିବା ସ୍ଥିତି ଏହାର ସଦ୍ୟ ଉଦାହରଣ । ଦିଲ୍ଲୀରେ ବାୟୁ ପ୍ରଦୂଷଣର ମାତ୍ରା ଏତେ ଘାତକ ଯେ ଦିଲ୍ଲୀ ସହରକୁ ତାଲାବନ୍ଦ କରିବାର ସ୍ଥିତି ଉପୁଜିଛି । ବିଶ୍ୱରେ ପ୍ରଦୂଷଣ ଏବେ ଏକ ଗମ୍ଭୀର ସମସ୍ୟାର ରୂପ ନେଇଛି