ବାର ମାସରେ ଏଠି ତେର ପର୍ବ । ପ୍ରତ୍ୟେକ ମାସ ଆମ ଓଡ଼ିଆଙ୍କ ପାଇଁ ବେଶ୍ ଗୁରୁତ୍ୱପୂର୍ଣ୍ଣ । ହିନ୍ଦୁ ମାସର ଏକ ପୁଣ୍ୟ ମାସ ହେଉଛି ମାଘ ମାସ । ଏହି ମାସରେ ଅନେକଗୁଡ଼ିଏ ପର୍ବପର୍ବାଣି ପାଳିତ ହୋଇଥାଏ । ତନ୍ମଧ୍ୟରେ ରହିଛି - ତ୍ରିବେଣୀ ଅମାବାସ୍ୟା, ମୌନି ଏକାଦଶୀ, ଶ୍ରୀପଞ୍ଚମୀ, ମାଘ ସପ୍ତମୀ, ଭୀଷ୍ମଅଷ୍ଟମୀ, ଭୈମୀ ଏକାଦଶୀ, ମାଘ ପୂର୍ଣ୍ଣିମା ପରି ବହୁ ଲୋକପ୍ରିୟ ପର୍ବ । ଏହି ମାସରେ ସ୍ନାନ ଓ ଦାନକୁ ଅଧିକ ଗୁରୁତ୍ୱ ଦିଆଯାଇଥାଏ । ତେବେ ମାଘ ସପ୍ତମୀ ହେଉଛି ପ୍ରାଚୀନ ସ୍ମୃତିର ସଂସ୍କୃତିପୂର୍ଣ୍ଣ ଦିବସ ତଥା ଏକ ପବିତ୍ର ତିଥି I ମାଘ ସପ୍ତମୀ ହେଉଛି ଆମ ପରମ୍ପରାର ଏକ ପ୍ରତୀକ । ସୃଷ୍ଟିର ଆବହମାନ କାଳରୁ ସୂର୍ଯ୍ୟଙ୍କର ପୂଜା ଚାଲି ଆସିଛି । ସୂର୍ଯ୍ୟଙ୍କୁ ନେଇ ଆମର ଅନେକ ପର୍ବପର୍ବାଣି । ମାଘ ସପ୍ତମୀ ସୂର୍ଯ୍ୟ ପୂଜାର ଏକ ବିଶେଷ ପୂଜା । ମାଘ ଶୁକ୍ଳ ସପ୍ତମୀରେ ସୂର୍ଯ୍ୟଦେବ ଜନ୍ମଗ୍ରହଣ କରିଥିଲେ I ଭାରତବର୍ଷରେ ରହିଥିବା ସୂର୍ଯ୍ୟଦେବଙ୍କ ମନ୍ଦିର ମଧ୍ୟରେ ଓଡ଼ିଶାର ଅର୍କକ୍ଷେତ୍ରରେ ଥିବା ସୂର୍ଯ୍ୟନାରାୟଣଙ୍କ ମନ୍ଦିର ବିଶ୍ୱବିଖ୍ୟାତ । ମାଘ ସପ୍ତମୀ ତିଥିରେ ଚନ୍ଦ୍ରଭାଗାରେ ବୁଡ଼ ପକାଇ ଉଦିତ ସୂର୍ଯ୍ୟଙ୍କୁ ଅର୍ଘ୍ୟ ଦେଇଥାନ୍ତି ଶ୍ରଦ୍ଧାଳୁ । ଏହି ତିଥିରେ ଅର୍କତୀର୍ଥରେ ସ୍ନାନ କଲେ ମୁକ୍ତି ମିଳିଥାଏ ବୋଲି ବିଶ୍ୱାସ ରହିଛି I ପ୍ରତିବର୍ଷ ମାଘ ସପ୍ତମୀରେ କୋଣାର୍କ ନିକଟସ୍ଥ