ଭାରତୀୟ ରାଜନୀତିରେ ପିଆଜର ପ୍ରଭାବ ବହୁ ଅଧିକ ଦେଖିବାକୁ ମିଳିଛି | ଏଠି ପିଆଜର ରେକର୍ଡ ଦର ସରକାର ଭାଙ୍ଗିଛି ଆଉ ସରକାର ଗଢ଼ିଛି | ପିଆଜ ଅଟଳ ବିହାରୀ ବଜେପେୟୀଙ୍କ ସରକାରକୁ ଭାଙ୍ଗିଥିବାବେଳେ ଇନ୍ଦିରାକୁ ପୁଣିଥରେ କ୍ଷମତାସୀନ କରିଥିଲା | ପୁଣି କେବେ ପିଆଜ ନିର୍ବାଚନୀ ମୁଦ୍ଦା ପାଲଟିଛି | ଯେବେ ଯେବେ ପିଆଜ ଦର ଆକାଶ ଛୁଆଁ ହୋଇଛି, ସେବେସେବେ ଜାତୀୟ ରାଜନୀତିରେ ଭୂମିକମ୍ପ ଆସିଛି | ଗରିବଠାରୁ ଧନୀ ସମସ୍ତଙ୍କ ଖାଇବା ଥାଳିରେ ଥାଏ ପିଆଜ । ପିଆଜ ଏମିତି ଏକ ଖାଦ୍ୟ, ଯାହାକୁ କଞ୍ଚାରେ ଖାଇବା ପାଇଁ ଲୋକେ ବେଶ୍‌ ଭଲ ପା’ନ୍ତି । ପଖାଳ ଭାତ ହେଉ କି ଗରମ ଭାତ ଅବା ରୁଟି ସହିତ ପିଆଜଟିଏ ଥିଲେ ଖାଇବାଟା ବେଶ୍ ଜମେ । କେବଳ ଦେଶୀ ଖାଦ୍ୟ ନୁହେଁ ବିଦେଶୀ ଖାଦ୍ୟରେ ମଧ୍ୟ ପିଆଜର ବ୍ୟବହାର ପ୍ରଚୁର । ଆମର ନିତିଦିନିଆ ଖାଦ୍ୟରେ ପିଆଜର ଆବଶ୍ୟକତା ଖୁବ୍ ବେଶି । ତରକାରୀ, ଭଜା, ସାଲାଡ଼, ଚଟଣୀ ପ୍ରଭୃତି ବିଭିନ୍ନ ପ୍ରକାରର ଖାଦ୍ୟ ପ୍ରସ୍ତୁତିରେ ପିଆଜ ବ୍ୟବହୃତ ହୁଏ । ଘରେ ଘରେ ରହିଛି ପିଆଜର ଚାହିଦା । ବିନା ପିଆଜରେ ରୋଷେଇ ପାଇଁ ହାତ ଯାଏନି । ବିଭିନ୍ନ ବ୍ୟଞ୍ଜନର ସ୍ୱାଦ ବଢ଼ାଇ ଦେଇଥାଏ ପିଆଜ । ମସଲା ତରକାରୀ ହେଉ ଅଥବା ଛୁଙ୍କ ସବୁଥିରେ ପିଆଜ ଲୋଡ଼ା ହୁଏ । ଦେଶରେ ପ୍ରତିଦିନ କୋଟି