ଅଗ୍ରପୂଜ୍ୟ ହେଉଛନ୍ତି ଶ୍ରୀଗଣେଶ । ପ୍ରତ୍ୟେକ ଶୁଭକର୍ମର ପ୍ରାରମ୍ଭରେ ଶ୍ରୀଗଣେଶଙ୍କୁ ଆବାହନ କରାଯାଏ । ହିନ୍ଦୁ ପଞ୍ଚଦେବତାଙ୍କ ମଧ୍ୟରେ ଶ୍ରୀଗଣେଶ ଅନ୍ୟତମ । ବିଦ୍ୟାଦାତା, ବିଘ୍ନ ବିନାଶକ ଭାବେ ସେ ସକଳ ପୂଜିତ । ଭାଦ୍ରବ ମାସ ଶୁକ୍ଳ ଚତୁର୍ଥୀ ତିଥିରେ ବିନାୟକଙ୍କୁ ପୂଜା କରାଯାଏ । ଗଣେଶ ହେଉଛନ୍ତି ମାତା ପାର୍ବତୀ ଓ ପ୍ରଭୁ ଶିବଶଙ୍କରଙ୍କ ପୁତ୍ର । ଗଣେଶ ଗଜାନନ ରୂପରେ ହିଁ ସର୍ବତ୍ର ପରିଚିତ । ସେ ହେଉଛନ୍ତି ବୁଦ୍ଧି, ବିଦ୍ୟା ବା ଜ୍ଞାନର ଦେବତା, ବିଦ୍ୟାଦାତା । ସେ ପ୍ରତ୍ୟେକ ପୂଜାର ପ୍ରାରମ୍ଭରେ ପୂଜିତ ଓ ବିଦ୍ୟାରମ୍ଭରେ ମଧ୍ୟ ତାଙ୍କରି ଆବାହନ କରାଯାଇଥାଏ । ଶାସ୍ତ୍ର ଅନୁସାରେ ଗଣେଶଙ୍କର ଦ୍ୱାଦଶ ନାଁ ରହିଛି । ସେହି ନାଁଗୁଡିକ ମଧ୍ୟରେ - ଏକଦନ୍ତ, କୃଷ୍ଣପିଙ୍ଗାକ୍ଷ, ଗଣପତି, ଗଜବକ୍ର, ଗଜାନନ, ବକ୍ରତୁଣ୍ଡ, ବିକଟ, ବିଘ୍ନରାଜେନ୍ଦ୍ର, ବିନାୟକ, ଧୂମ୍ରବର୍ଣ୍ଣ, ଭାଲଚନ୍ଦ୍ର, ଲମ୍ବୋଦର ଆଦି । ଏତଦବ୍ୟତୀତ ଗଣେଶଙ୍କ ଅନ୍ୟ କେତେକ ନାମ ମଧ୍ୟରେ ରହିଛି - ସୁମୁଖ, ବିଘ୍ନହର୍ତ୍ତା, ବିଘ୍ନହର, ଧୂମ୍ରକେତୁ, ଗଣାଧ୍ୟକ୍ଷ, ବ୍ରହ୍ମଣସ୍ପତୀ, ମୟୂରେଶ୍ୱର, ବିଘ୍ନେଶ୍ୱର ଓ ଶୂର୍ପକର୍ଣ ଇତ୍ୟାଦି । ଗଣେଶ ଆଦି ଦେବ ଭାବରେ ପରିଚିତ । ସେ ସବୁ ଯୁଗରେ ଅବତାର ଗ୍ରହଣ କରିଛନ୍ତି । ସେଥିପାଇଁ ତ ତାଙ୍କ ବନ୍ଦନାରେ କୁହାଯାଏ - ବକ୍ରତୁଣ୍ଡଂ ମହାକାୟ ସୂର୍ୟ କୋଟି ସମପ୍ରଭ । ନିର୍ବିଘ୍ନମ୍ କୁରମେ ଦେବ ସର୍ବ କାର୍ଯ୍ୟେଷୁ ସର୍ବଦା । ଶିବ ପୁରାଣ ଅନୁଯାୟୀ