ପ୍ରଥମ ରଙ୍ଗୀନ ଓଡ଼ିଆ ଚଳଚ୍ଚିତ୍ର ହେଉଛି ‘ଗପ ହେଲେ ବି ସତ’ । ୧୯୭୬ ମସିହାରେ ମୁକ୍ତିଲାଭ କରିଥିବା ଏହି ସିନେମାଟିର ନିର୍ଦ୍ଦେଶନାର ଗୁରୁଦାୟିତ୍ୱ ନେଇଥିଲେ ନଗେନ ରାୟ । ସ୍ୱାତୀ ଫିଲ୍ମସ ବ୍ୟାନରରେ ନିର୍ମିତ ଏହି ସିନେମାର ପ୍ରଯୋଜନା ଭାର ରହିଥିଲା ସୁବିମଳ ମଲ୍ଲିକଙ୍କ କାନ୍ଧରେ । ବସନ୍ତ ମହାପାତ୍ରଙ୍କ କାହାଣୀ ଓ ସଂଳାପର ଏହି ସିନେମାରେ ମୁଖ୍ୟ ଭୂମିକାରେ ନଜର ଆସିଥିଲେ ହରିଶ ମହାପାତ୍ର, ବନଜା ମହାନ୍ତି, ନିହାରିକା ସାହୁ, ଦୁର୍ଲଭ, ସୁରେଶ ମହାପାତ୍ର, ନେତ୍ରାନନ୍ଦ, ସୁଧାରାଣୀ, ସୌଦାମିନୀ ପ୍ରମୁଖ । ସିନେମାରେ ଭୁବନେଶ୍ୱର ମିଶ୍ର ଓ ହରିପ୍ରସାଦ ଚୌରାସିଆ ସଂଗୀତ ନିର୍ଦ୍ଦେଶନା ଦେଇଥିବାବେଳେ ଏଥିରେ କଣ୍ଠଦାନ କରିଥିଲେ ବାଣୀ ଜୟରାମ, ସୁମନ କଲ୍ୟାଣପୁର, ଅମିତ କୁମାର ପ୍ରମୁଖ । ଏହାର ଗୀତଗୁଡିକୁ ରଚନା କରିଥିଲେ ଶିବବ୍ରତ ଦାସ, କାଳିଚରଣ ପାଣିଗ୍ରାହୀ । ସିନେମାର ଗୀତଗୁଡିକ ଆଜି ବି ବେଶ୍ ଲୋକପ୍ରିୟ । ସିନେମାରେ ୫ଟି ଗୀତ ରହିଥିଲା । ଗୀତ ଗୁଡିକ ହେଉଛି - ‘ଏ ବନର ଛାଇ, ଯହିଁ ପ୍ରଥମ ପ୍ରେମ…’, ‘ଜୟ ଯଦୁ ନନ୍ଦନ ରାଧିକା ପ୍ରାଣ ଭଞ୍ଜନ ହେ….’, ‘ମୁଁ ଯେ ଜାଣେନା କାହା ବାଟ ରହିଛି ଚାହିଁ…’, ‘ଗପ ହେଲେ ବି ସତ…’, ଓ ‘ଏ ମୋର ଦୋସ୍ତ…’ । ସିନେମାରେ ଜଣେ ସହରୀ ଯୁବକ ଆଉ ଜଣେ ଗାଉଁଲି ଯୁବତୀର ପ୍ରେମ ସମ୍ପର୍କରେ ବର୍ଣ୍ଣନା କରାଯାଇଛି । ସହରୀ ଯୁବକ