୧୯୫୧ ମସିହାରେ ପରଦାକୁ ଆସିଥିଲା ଏକ ଭିନ୍ନସ୍ୱାଦର ଓଡ଼ିଆ ସିନେମା । ପ୍ରଥମ ଥର ପାଇଁ ଓଡ଼ିଆ ସିନେମାରେ ବିଦେଶୀ ଭାଷାର ଗୀତ ଓ ଶୀର୍ଷକ ଦେଖିବାକୁ ମିଳିଲା । ଏହି ସିନେମାଟି ଥିଲା ‘ରୋଲ୍ସ - ୨ - ୮’ । ଏହା ପ୍ରଥମ ଇଂରାଜୀ ଶୀର୍ଷକର ଓଡ଼ିଆ ସିନେମା ଥିଲା । ଏହି ଓଡ଼ିଆ ସିନେମାରେ କଲ୍ୟାଣ ଗୁପ୍ତା ନିର୍ଦ୍ଦେଶନା ଦେଇଥିଲେ । ସିନେମାର ପ୍ରଯୋଜନା ଭାର ରତିକାନ୍ତ ପାଢ଼ୀଙ୍କ ହାତର ନ୍ୟସ୍ତ ଥିଲା । ବୃନ୍ଦାବନ ମହାପାତ୍ର ଏହି ସିନେମାର ସଂଳାପ ଲେଖିଥିବାବେଳେ ଏହାର ଚିତ୍ରନାଟ୍ୟ ଦେଇଥିଲେ ନିର୍ଦ୍ଦେଶକ କଲ୍ୟାଣ ଗୁପ୍ତା । କାଳୀଚରଣ ପଟ୍ଟନାୟକଙ୍କ କାହାଣୀର ଏଇ ସିନେମାରେ ସଂଗୀତ ନିର୍ଦ୍ଦେଶନା ଦେଇଥିଲେ ଗୌର ଗୋସ୍ୱାମୀ, ନୃପେନ୍ଦ୍ର ପାଲ୍ । ସିନେମାରେ କାଳୀଚରଣ ପଟ୍ଟନାୟକ, ରାଧାରମଣ ରାୟ, ବ୍ରଜେନ୍ଦ୍ର ନାରାୟଣ ସିଂହଦେଓ ପ୍ରମୁଖ ଗୀତ ରଚନା କରିଥିବାବେଳେ ଏଥିରେ ଗୀତଗୁଡିକ ଗାଇଥିଲେ କମଳା ଦେବୀ, ରାଧାରମଣ ରାୟ, ପ୍ରଫୁଲ୍ଲ କୁମାର ସିଂହଦେଓ ପ୍ରମୁଖ । ତ୍ରିକୋଣୀୟ ପ୍ରେମକାହାଣୀ ତଥା ସାମାଜିକ ପୃଷ୍ଠଭୂମି ଉପରେ ଗତିଶୀଳ ଏଇ ସିନେମାରେ ମୁଖ୍ୟ ଭୂମିକାରେ ନଜର ଆସିଥିଲେ ବିମଳା ଦେବୀ, କିଶୋରି ଦେବୀ, ଗିରିଧାରି, ରତିକାନ୍ତ ପାଢ଼ି, ପଙ୍କଜ, ଅନିମା ପେଦିନି, ରାଜେନ୍ଦ୍ର ପ୍ରମୁଖ । ଏହି ସିନେମାରେ ପ୍ରଥମ ଥର ପାଇଁ ଏକ ଗୀତ ଉଭୟ ହିନ୍ଦୀ ଓ ଇଂରାଜୀରେ ରହିଥିଲା । ‘ଇଣ୍ଡିଆ ଦେଶ ହମାରା’ ଗୀତଟି ଉଭୟ ହିନ୍ଦୀ