୧୯୫୬ ମସିହାରେ ମୁକ୍ତିଲାଭ କରିଥିବା ସିନେମା ‘ଆମରି ଗାଁ ଝିଅ’ ଥିଲା ଅଭିନେତ୍ରୀ ତଥା ନିର୍ଦ୍ଦେଶିକା ପାର୍ବତୀ ଘୋଷଙ୍କ ପ୍ରଥମ ଅଭିନୀତ ସିନେମା, ଯଦିଓ ସେ ଏହା ପୂର୍ବରୁ ୧୯୫୦ ମସିହାରେ ଶିଶୁ କଳାକାର ଭାବରେ ''ଶ୍ରୀ ଜଗନ୍ନାଥ'' ଚଳଚ୍ଚିତ୍ରରେ ଅଭିନୟ କରିଥିଲେ । ''ଆମରି ଗାଁ ଝିଅ''ରେ ପ୍ରଥମ କରି ନାୟିକା ଭାବେ ଗୌର ଘୋଷଙ୍କ ବିପକ୍ଷରେ ଅଭିନୟ କରିଥିଲେ ଚପଳା ନାୟକ । ସିନେମାରେ ନିର୍ଦ୍ଦେଶନା ଭାର ସମ୍ଭାଳିଥିଲେ ବିନୟ ବାନାର୍ଜୀ । ସେହିପରି ଏହି ସିନେମାର ପ୍ରଯୋଜନାର ଭାର ନରେନ୍ଦ୍ର କୁମାର ମିତ୍ରଙ୍କ କାନ୍ଧରେ ରହିଥିଲା । ଏହି ସିନେମାରେ ଗୋପାଳ ଘୋଷ, ଚପଳା ନାୟକ, ଭାନୁମତୀ ଦେବୀ, ଦୁର୍ଲଭ ସିଂ, ଗୌର ଘୋଷ, କାର୍ତ୍ତିକ କୁମାର, ଅନିମା ପେଦିନୀ, ନିତାଇ ପାଲିତ ଓ ଶ୍ରୀକୃଷ୍ଣ ଚନ୍ଦ୍ର ପାଣ୍ଡେ ପ୍ରମୁଖ ଅଭିନୟ କରିଥିଲେ । ସିନେମାରେ ସମୁଦାୟ ପାଞ୍ଚୋଟି ଗୀତ ରହିଥିବାବେଳେ ଏହାର ଗୀତ ରଚନା କରିଥିଲେ କିଶୋର କବି ଶ୍ୟାମସୁନ୍ଦର ଦାସ । ସିନେମାର ରହିଥିବା ଗୀତଗୁଡିକରେ କଣ୍ଠଦାନ କରିଥିଲେ କଲ୍ୟାଣୀ ଦାସ ଓ ଦୁଲାଲ ଦାସ । ସିନେମାରେ ରହିଥିବା ଗୀତଗୁଡିକ ମନଛୁଆଁ ହୋଇପାରିଥିଲା । ଏଥିରେ ଥିବା ଗୀତଗୁଡ଼ିକ ହେଲା - ହେ ଭଗବାନ..., ରସିଲା ସେ କିଏ …, ପହିଲି ଆଷାଢ଼ର ଅଶାନ୍ତ ବାଦଲ..., ପଥର ଦେବତା …, ଝଲମଲ ସୁଖର ଦିନ…। ଦୁଇଗୋଟି ଭାଷାରେ ନିର୍ମିତ ଚଳଚ୍ଚିତ୍ର ଭାବେ ଏହା ଥିଲା ପ୍ରଥମ