ଭାରତୀୟ ସଂଗୀତ ଜଗତର ବୁଲବୁଲ ଲତା ମଙ୍ଗେଶକର ୩୬ରୁ ଅଧିକ ଭାଷାରେ ଏବଂ ୫୦ ହଜାରରୁ ଅଧିକ ଗୀତ ଗାଇ ଗିନିଜ୍ ବୁକ୍ ଅଫ୍ ୱାର୍ଲ୍ଡ ରେକର୍ଡରେ ସ୍ଥାନିତ ହୋଇଛନ୍ତି । ସଙ୍ଗୀତ ପ୍ରତି ଉଲ୍ଲେଖନୀୟ ଅବଦାନ ଯୋଗୁଁ ସେ ପଦ୍ମ ପୁରସ୍କାର ସମେତ ଦାଦା ସାହେବ ଫାଲ୍‌କେ ପୁରସ୍କାର, ଭାରତ ରତ୍ନର ଅଧିକାରିଣୀ ହୋଇପାରିଥିଲେ । କୋକିଳକଣ୍ଠୀ ଲତା ଓଡ଼ିଆରେ ମଧ୍ୟ ଦୁଇଟି ଗୀତ ଗାଇଥିଲେ, ଯାହା ଆଜିବି ଚିର ସବୁଜ । ସେଇ ଦୁଇଟି ଗୀତ ମଧ୍ୟରେ ୧୯୬୩ ମସିହାରେ ମୁକ୍ତିଲାଭ କରିଥିବା ‘ସୂର୍ଯ୍ୟମୁଖୀ’ ଚଳଚ୍ଚିତ୍ରର ‘ସେଇ ଚୁନା ଚୁନା ତାରାଫୁଲ ଆଜି, ସିଏ ଚୁମି ଚୁମି ଗଲା ହାଏ ହଜି …’ ରହିଛି । ଏହି ସିନେମା ଜରିଆରେ ପ୍ରଥମଥର ପାଇଁ ଓଡ଼ିଆ ଗୀତରେ ଲତା କଣ୍ଠଦାନ କରିଥିଲେ । ପରବର୍ତ୍ତୀ ସମୟରେ ‘ଅରୁନ୍ଧତୀ’ ସିନେମାରେ ‘ଆଜି ମୁଁ ଶ୍ରାବଣୀ …’.ଗୀତରେ ଲତା କଣ୍ଠଦାନ କରି ଓଡିଆ ଦର୍ଶକଙ୍କ ହୃଦୟରେ ଭିନ୍ନ ଏକ ସ୍ଥାନ ସୃଷ୍ଟି କରିଥିଲେ । ଲତାଙ୍କ ଅବର୍ତ୍ତମାନରେ ରହିଯାଇଛି ରାଶି ରାଶି ହୃଦୟଛୁଆଁ ଗୀତ । ଲତାଙ୍କ ଦ୍ୱାରା ବୋଲାଯାଇଥିବା ଓଡ଼ିଆ ଗୀତ ‘ସେଇ ଚୁନା ଚୁନା ତାରାଫୁଲ’ ଆଜି ବି ଶ୍ରୋତାଙ୍କୁ ଆନମନା କରେ । ‘ସୂର୍ଯ୍ୟମୁଖୀ’ ଫିଲ୍ମର ନିର୍ଦ୍ଦେଶକ ଥିଲେ ପ୍ରଫୁଲ୍ଲ ସେନଗୁପ୍ତା । ସୌମେନ୍ଦ୍ର ମିଶ୍ରଙ୍କ ପ୍ରଯୋଜନାରେ ପ୍ରସ୍ତୁତ ଏହି ସିନେମାରେ ଅଭିନୟ କରିଥିଲେ ସୌମେନ୍ଦ୍ର ମିଶ୍ର, ଅନନ୍ତ, ଲକ୍ଷ୍ମୀପ୍ରିୟା