ଓଡ଼ିଆ ସିନେମାରେ ବହୁ ଅଣ ଓଡ଼ିଆ ଅଭିନେତା, ଅଭିନେତ୍ରୀମାନେ ଅଭିନୟ କରି ପ୍ରଶଂସା ସାଉଣ୍ଟିଛନ୍ତି । ଅଭିନେତ୍ରୀ ରଚନା ବାନାର୍ଜୀ ଓଡ଼ିଆ ନ ହୋଇ ମଧ୍ୟ ବହୁ ଓଡ଼ିଆ ସିନେମାରେ ନିଖୁଣ ଅଭିନୟ କରି ନିଜର ଏକ ସ୍ଵତନ୍ତ୍ର ପରିଚୟ ସୃଷ୍ଟି କରିଛନ୍ତି । ତେବେ ନବେ ଦଶକରେ ରବି କିନ୍ନାଗୀଙ୍କ ନିର୍ଦ୍ଦେଶିତ ସିନେମା ‘ପରଦେଶୀ ଚଢ଼େଇ’ରେ ପ୍ରଥମଥର ଲାଗି ଜଣେ ବିଦେଶିନୀଙ୍କୁ ଦେଖିବାକୁ ମିଳିଥିଲା । ୧୯୯୦ ମସିହାରେ ରିଲିଜ ହୋଇଥିବା ଏହି ସିନେମାର ନାୟିକା ସାଜିଥିଲେ ମସ୍କୋର ଅର୍ମିନ୍ତା । ଏଇ ସିନେମାରେ ଅନ୍ୟମାନଂକ ମଧ୍ୟରେ ଅଜିତ ଦାସ, ଦୁଖୀରାମ ସ୍ୱାଇଁ, ସୁଜାତା ଆନନ୍ଦ, ନମ୍ରତା ଦାସ, ହର ପଟ୍ଟନାୟକ, ଅଶ୍ବିନୀ, ଦେବୁ ବ୍ରହ୍ମା ପ୍ରମୁଖ ଅଭିନୟ କରିଥିଲେ । ଏହି କଥାଚିତ୍ରଟିର ପ୍ରଯୋଜନା କରିଥିଲେ ଜ୍ଞାନ ପଟ୍ଟନାୟକ । ଶଙ୍କର କିନ୍ନାଗୀ ଏହି କଥାଚିତ୍ରଟିର ଚିତ୍ରନାଟ୍ୟ ରଚନା କରିଥିବାବେଳେ ବିଜୟ ମିଶ୍ର ସଂଳାପ ରଚନା କରିଥିଲେ । ଜଣେ ବିଦେଶିନୀର ଓଡ଼ିଆ ପ୍ରୀତିକୁ ନେଇ ଏହି ସିନେମା ଗତିଶୀଳ ହୋଇଥିଲା । ଏଥିରେ ଅର୍ମିନ୍ତା ଲୌରା ଚରିତ୍ରରେ ଅଭିନୟ କରିଥିବାବେଳେ ଜୀବନ ଚରିତ୍ରରେ ଉତ୍ତମ ମହାନ୍ତି ଅଭିନୟ କରିଥିଲେ । ସେହିପରି ମାନସୀ ଚରିତ୍ରରେ ଅଶ୍ବିନୀ ଅଭିନୟ କରିଥିଲେ । ସିନେମାର କାହାଣୀ ଅନୁସାରେ ବିଶ୍ୱରଂଜନ ଚୌଧୁରୀଙ୍କ ତିନି ନାତି ଓ ବିଧବା ବୋହୁ । ମଝିଆ ନାତି ଆମେରିକାରେ ଚାକିରି କରୁଥିବାବେଳେ ସେଠାରେ ସେ ଲୌରା ନାମ୍ନୀ ଜଣେ ବିଦେଶୀ