ପଞ୍ଚସଖା ପିକ୍ଚର୍ସର ତୃତୀୟ ଅବଦାନ ହେଉଛି ‘ନବଜନ୍ମ ’। ପୂର୍ବରୁ ‘ନୂଆବୋଉ’ ଓ ‘ମାଣିକଯୋଡି’ର ସଫଳତା ପରେ ଏହି ସିନେମାଟି ପରଦାକୁ ଆସିଥିଲା । ଏହି ସିନେମାର ନିର୍ଦ୍ଦେଶନା ଭାର ସମ୍ଭାଳିଥିଲେ ସଚିନ ମୁଖାର୍ଜୀ । ଏହି ସିନେମାର କାହାଣୀକାର ହେଉଛନ୍ତି ଭଞ୍ଜକିଶୋର ପଟ୍ଟନାୟକ । ସିନେମାରେ ଜିତେନ୍ଦ୍ର ପଟ୍ଟନାୟକ, କାନ୍ତକବି ଲକ୍ଷ୍ମୀକାନ୍ତ ମହାପାତ୍ରଙ୍କ ଗୀତଗୁଡିକୁ ବାଳକୃଷ୍ଣ ଦାସ ସଂଗୀତରେ ସ୍ଵରବଦ୍ଧ କରିଥିବାବେଳେ, ଏହାର ଗୀତ ଗୁଡିକରେ ରଘୁନାଥ ପାଣିଗ୍ରାହୀ, ନିର୍ମଳ ମିଶ୍ର, ସନ୍ଧ୍ୟା ମୁଖାର୍ଜୀ ପ୍ରମୁଖ କଣ୍ଠଦାନ କରିଥିଲେ । ସିନେମାରେ ମୁଖ୍ୟ ଭୂମିକାରେ ଶରତ ପୂଜାରୀ, ଗୀତା ଦତ୍ତ, ଝରଣା ଦାସ, ଧୀର ବିଶ୍ୱାଳ, ଲୀଳା ଦୁଲାଳୀ, ମେନା, ମାୟା, ଅକ୍ଷୟ, ପୀର୍‌, ଟିମ, ପାଣ୍ଡେ, ଶରତ, ବାବାଜୀ, ପ୍ରଶାନ୍ତ, ବିଶ୍ୱନାଥ, ଧୀର, ନଟ ପ୍ରମୁଖ ଅଭିନୟ କରିଥିଲେ । ସିନେମାରେ ସଂଳାପ ରଚନା କରିଥିଲେ ଭଞ୍ଜକିଶୋର ପଟ୍ଟନାୟକ । ସିନେମାର କାହାଣୀ ହିଁ ସିନେମାକୁ ସଫଳ କରିଥିଲା । ସିନେମାରେ ତତ୍କାଳୀନ ସମାଜର ଚିତ୍ର ରହିଥିବାବେଳେ ଯୁବବର୍ଗଙ୍କ କଳ୍ପନା ଓ ସେମାନେ ସୃଷ୍ଟି କରୁଥିବା ଜଟିଳତାକୁ ବର୍ଣ୍ଣନା କରାଯାଇଛି । ସର୍ବାେପରି ଖରାପ ଉପରେ ଭଲର ବିଜୟକୁ ଏହି ସିନେମାରେ ଦର୍ଶାଯାଇଛି । ସିନେମାରେ ବିଜନ ନାମକ ଜଣେ ଯୁବକ ସଫଳତାର ସହ ଇଞ୍ଜିନିଅରିଂ ପାସ କରି ନିଜ ଗାଁର ଗର୍ବ ପାଲଟେ । ସେ ଚାକିରି ପାଇବା ପରେ ବାପାଙ୍କ ମନୋନୀତ କନ୍ୟାକୁ ବିବାହ ନ କରି