୧୯୮୦ରେ ପରଦାକୁ ଆସିଥିଲା ପ୍ରତିଭା ରାୟଙ୍କ ଉପନ୍ୟାସ ‘ଅପରିଚିତା’ ଆଧାରରେ ସିନେମା 'ଅପରିଚିତା’ । ଏହି ଉପନ୍ୟାସକୁ ପରଦାରେ ଦେଖାଇଥିଲେ ନିର୍ଦ୍ଦେଶକ ସାଧୁ ମେହେର । ପର୍ଶୁରାମ ପିକ୍ଚର୍ସ ନିବେଦିତ ଏହି ସିନେମାର କାହାଣୀ, ସଂଳାପ ରଚନା କରିଥିଲେ ନିଜେ ପ୍ରତିଭା ରାୟ । ଏହାର ଚିତ୍ରନାଟ୍ୟ ଦେଇଥିଲେ ସାଧୁ ମେହେର । ସିନେମାର ମୁଖ୍ୟ ଭୂମିକାରେ ଅଭିନୟ କରିଥିଲେ ଉତ୍ତମ ମହାନ୍ତି, ମାଳଵିକା, ମହାଶ୍ୱେତା, ଅନିତା ଦାସ, ଗ୍ଲୋରିଆ ମହାନ୍ତି, ଶରତ ପୂଜାରୀ, କୃପାସିନ୍ଧୁ, ମାଗିରମ, ତାପସ, ଲକ୍ଷ୍ମୀପ୍ରିୟା, ବୀରେନ୍ଦ୍ର ପ୍ରମୁଖ । ସିନେମାରେ ଗୌର ପଟ୍ଟନାୟକ, ନିଶାକର ବେହେରା ଓ ପ୍ରତିଭା ରାୟଙ୍କ ରଚିତ ଗୀତଗୁଡିକୁ ସଂଗୀତରେ ସ୍ଵରବଦ୍ଧ କରିଥିଲେ ମୁସିର । ସେହିପରି ଏହି ସିନେମାରେ କଣ୍ଠଦାନ କରିଥିଲେ ନିର୍ମଳା ମିଶ୍ର, ସୁଶ୍ରୀସଂଗୀତା, ଭିକାରି ବଳ, ଚିତ୍ତ ଜେନା । ଏଥିରେ ଥିବା ଏକ ଗୀତ ‘ଆଖି ନାହିଁ କାନ ନାହିଁ…. ଗୀତରେ ପ୍ରତିଭା ରାୟଙ୍କ ଝିଅ ଆଦ୍ଯାଶା ରାୟ କଣ୍ଠଦାନ କରିଥିଲେ । ଭାରତୀୟ ସାହିତ୍ୟର ଅନ୍ୟତମ ସମୃଦ୍ଧ ଶବ୍ଦଶିଳ୍ପୀ ହେଉଛନ୍ତି ପ୍ରତିଭା ରାୟ । ଓଡ଼ିଆ ସାହିତ୍ୟକୁ ସେ ଭେଟି ଦେଇଛନ୍ତି ଜ୍ଞାନପୀଠ, ମୂର୍ତ୍ତିଦେଵୀ ପରି ସମ୍ଭ୍ରାନ୍ତ ଜାତୀୟ ପୁରସ୍କାର । ଆମ ସମୟର ଜଣେ ବିକଳ୍ପ ଓ ଅପ୍ରତିଦ୍ବନ୍ଦୀ କଥାକାର ହେଉଛନ୍ତି ପ୍ରତିଭା ରାୟ । ଆଧୁନିକ ଉପନ୍ୟାସ ରଚନା କାଳରେ ଯେଉଁ କେତେକ କ୍ଲାସିକ ଔପନ୍ୟାସିକ ସାମ୍ନାକୁ ଆସିଛନ୍ତି ସେମାନଙ୍କ ମଧ୍ୟରେ ପ୍ରତିଭା ରାୟ ଏକ