ପ୍ରେମ ବିନା ଏଇ ଦୁନିଆ ଅସମ୍ଭବ । ପ୍ରେମ ହେଉଛି ହୃଦୟର ଏକ ସଂଯୋଗ । ଏକ ଆକର୍ଷଣ । ଦୁନିଆର ସବୁ ବନ୍ଧନ ପ୍ରେମରୁ ଆରମ୍ଭ । ପ୍ରେମ ହେଉଛି ସବୁ ବନ୍ଧନରୁ ଉର୍ଦ୍ଧ୍ଵରେ । ପ୍ରେମ ଥିଲେ ଜୀବନରେ ଖୁସି ଥାଏ । ପ୍ରେମ ପାଇଁ କିଛି ଶବ୍ଦ ନଥାଏ, ଆଖିର ଭାଷା ହିଁ ହୃଦୟର କଥା କହିଦିଏ । ସମର୍ପିତ ଜୀବନର ଶୁଦ୍ଧ ପରିଭାଷା ହେଉଛି ପ୍ରେମ । ପ୍ରେମ ଆଉ ହୃଦୟର ସମ୍ପର୍କ ବହୁ ନିବିଡ଼ । ପ୍ରେମ ଏକ ନିସ୍ୱାର୍ଥ ଭାବନାକୁ ବୁଝାଇଥାଏ । ଏହାଛଡା ବ୍ୟକ୍ତିଗତ ସ୍ନେହ ଓ ସଂଯୋଗକୁ ମଧ୍ୟ ପ୍ରେମ କୁହାଯାଏ । ଦୁଇଜଣଙ୍କ ମଧ୍ୟରେ ଥିବା ଦୟା, କ୍ଷମା, ସ୍ନେହ, ପ୍ରଣୟ ଇତ୍ୟାଦି ପ୍ରେମର ଏକ ରୂପ । ପ୍ରେମ ଶବ୍ଦଟି ବିଭିନ୍ନ ସ୍ଥାନରେ ବିଭିନ୍ନ ପ୍ରକାରରେ ବ୍ୟବହାର ହୋଇଥାଏ । ବିଭିନ୍ନ ଭାଷାରେ ଏହାର ସଜ୍ଞା ଭିନ୍ନ ଭିନ୍ନ । ପ୍ରେମ ବ୍ୟକ୍ତିଗତ କିମ୍ବା ସାର୍ବଜନୀନ ହୋଇପାରେ । ସବୁଠି ପ୍ରେମ ଅଛି । ଏ ସ୍ନେହ କାଙ୍ଗାଳ ମଣିଷ ସବୁବେଳେ ପ୍ରେମ ଖୋଜି ଥାଏ । ଯେଉଁଠି ପାଏ ସେଠି ସେ ନିଜର ହୋଇଯାଏ । ପ୍ରେମ ଚିରନ୍ତନ । ପ୍ରେମ ଶାଶ୍ୱତ ପୁଣି ଦୁନିଆର ସର୍ବଶ୍ରେଷ୍ଠ ପ୍ରତିଜ୍ଞା । ପ୍ରେମର ପରିଭାଷା ସବୁବେଳେ ଭିନ୍ନ । ମା ଆଉ ସନ୍ତାନର ପ୍ରେମ ହେଉ