ଇଂରାଜୀରେ ରୋମିଓ - ଜୁଲିଅଟ, ହିନ୍ଦୀରେ ଲୈଲା - ମଜନୁଁଙ୍କ ପରି ଓଡ଼ିଆରେ ପ୍ରେମ - ପ୍ରୀତି ଓ ଆତ୍ମୋତ୍ସର୍ଗର ଏକ ଅଭୁଲା ପ୍ରେମକାହାଣୀ ହେଉଛି ‘କେଦାର ଗୌରୀ’। ନିତାଇ ପାଲିତ ଓ ମନୋରଂଜନ ଦାଶଙ୍କ ଦ୍ଵୈତ ନିର୍ଦ୍ଦେଶନାରେ ନିର୍ମିତ ଏହି କଥାଚିତ୍ରଟି ୧୯୫୪ରେ ପରଦାକୁ ଆସିଥିଲା । ଚୌଧୁରୀ ବଳରାମ ପ୍ରସାଦ ଦାଶଙ୍କ ପ୍ରଯୋଜିତ ଏହି କଥାଚିତ୍ରରେ ଅଭିନୟ କରିଥିଲେ ଗୌର ଘୋଷ, ବୀଣା, ଶ୍ରୀକାନ୍ତ ମହାନ୍ତି, ଗୋବିନ୍ଦ ତେଜ, ରାଧାରାଣୀ, ଗ୍ଲୋରିଆ, ହମିଦ ନାସାଦି, ଧିରେନ ଓ ନିତାଇ ପାଲିତ ପ୍ରମୁଖ । ଏଥିରେ ନବାଗତା ବୀଣା, ଗୌରୀ ଭୂମିକାରେ ଅଭିନୟ କରିଥିବାବେଳେ କେଦାର ଭୂମିକାରେ ନଜର ଆସିଥିଲେ ଗୌର ଘୋଷ । ତେବେ ଏହି କଥାଚିତ୍ରରେ ପ୍ରଥମଥର ପାଇଁ ନିତାଇ ପାଲିତ ଖଳନାୟକ ଭୂମିକାରେ ପରଦାରେ ଅଭିନୟ କରିଥିଲେ । ସେହିପରି ଏହି କଥାଚିତ୍ରରେ ଓଡ଼ିଶୀ ନୃତ୍ୟାଙ୍ଗନା ସଂଯୁକ୍ତା ପାଣିଗ୍ରାହୀଙ୍କର ଏକ ନୃତ୍ୟାଭିନୟ ରହିଥିଲା । ଏହି କଥାଚିତ୍ରର ଗୀତ ରଚନା କରିଥିଲେ କବିଚନ୍ଦ୍ର କାଳିଚରଣ ପଟ୍ଟନାୟକ, ଜାନକୀ ବଲ୍ଲଭ ମହାନ୍ତି ଓ ପର୍ଶୁରାମ ପଟ୍ଟନାୟକ । ସଂଗୀତ ନିର୍ଦ୍ଦେଶନା ଦେଇଥିଲେ ବାଳକୃଷ୍ଣ ଦାଶ ଓ ଭୁବନେଶ୍ୱର ମିଶ୍ର । ସେଇସମୟରେ ଏହି ସଂଗୀତଜ୍ଞ ଦ୍ବୟ ଭୁବନ - କିଶନ ନାଁରେ ପରିଚିତ ଥିଲେ । ଏହି କଥାଚିତ୍ରରେ କଣ୍ଠଦାନ କରିଥିଲେ ରାଧାକୃଷ୍ଣ ଭଞ୍ଜ, ରାଧାଗୋବିନ୍ଦ ପଟ୍ଟନାୟକ, ବାଳକୃଷ୍ଣ ଦାଶ, ବୀଣା ଦେବୀ ପ୍ରମୁଖ । ରାଧାନାଥ ରାୟଙ୍କ କବିତା