ଅଳେଇଚ ଏକ ପ୍ରସିଦ୍ଧ ଭାରତୀୟ ମସଲା । ଏହାର ମଞ୍ଜି ଗୁଡିକ ବହୁତ ସୁନ୍ଦର ବାସ୍ନାଯୁକ୍ତ ହୋଇଥାଏ । ବ୍ୟଞ୍ଜନମାନଙ୍କରେ ସ୍ଵାଦ ଓ ସୁଗନ୍ଧ ବଢେଇବା ପାଇଁ ଏହାକୁ ବ୍ୟବହାର କରାଯାଏ । ପୂର୍ବ ଅଧ୍ୟାୟରେ ଆମେ ଭାରତୀୟ ମସଲା ସମ୍ପର୍କରେ ଆଲୋକପାତ କରିଥିଲେ । ଏହି କ୍ରମରେ ଆଜି ରହିଛି ଭାରତୀୟ ମସଲାର ଅନ୍ୟ ଏକ ପ୍ରମୁଖ ଉପାଦାନ ଅଳେଇଚ । ଆସନ୍ତୁ ଆମେ ସେଇ ମସଲା ସମ୍ପର୍କରେ ଆଲୋଚନା କରିବା । ଅଳେଇଚ ଏକ ପ୍ରସିଦ୍ଧ ଭାରତୀୟ ମସଲା । ଏହାର ମଞ୍ଜି ଗୁଡିକ ବହୁତ ସୁନ୍ଦର ବାସ୍ନାଯୁକ୍ତ ହୋଇଥାଏ । ବ୍ୟଞ୍ଜନମାନଙ୍କରେ ସ୍ଵାଦ ଓ ସୁଗନ୍ଧ ବଢେଇବା ପାଇଁ ଏହାକୁ ବ୍ୟବହାର କରାଯାଏ । ପଲାଉ ହେଉ କି କ୍ଷୀରି କି କିଛି ଆମିଷ ତରକାରୀରେ ଅଳେଇଚର ବାସ୍ନା ଖାଦ୍ୟକୁ ଆହୁରି ସ୍ୱାଦିଷ୍ଟ କରିଥାଏ । ଭାରତୀୟ ବ୍ୟଞ୍ଜନରେ ବ୍ୟବହୃତ ହେଉଥିବା ଗରମ ମସଲାରେ ଅଳେଇଚ ଏକ ପ୍ରମୁଖ ଉପାଦାନ । ସାଧାରଣତଃ ଦୁଇ କିସମର ଅଳେଇଚ ଦେଖିବାକୁ ମିଳିଥାଏ - ସବୁଜ (ଛୋଟ) ଓ କଳା (ବଡ଼) । ଓଡ଼ିଆରେ ଏହି ସବୁଜ (ଛୋଟ) ଅଳେଇଚକୁ ଗୁଜୁରାତି ବୋଲି କୁହାଯାଏ । ଅଳେଇଚ ଏକ ବିଶିଷ୍ଟ ମୁଖରୋଚକ ମସଲା । ଏହାକୁ ଉଦ୍ଭିଦ ବିଜ୍ଞାନରେ ଆମୋମାମ ସୁବୁଲେଟମ ବୋଲି କୁହାଯାଏ । ଏହା ହଳଦୀ ପରି ଗୁଳ୍ମଜାତୀୟ ବୃକ୍ଷ । ଏହା ବିଶେଷକରି ନେପାଳ, ସିକିମ,