ଓଡ଼ିଆ ସାହିତ୍ୟିକା ଓ ସମାଜସେବୀ କୁନ୍ତଳା କୁମାରୀ ଆଚାର୍ଯ୍ୟଙ୍କ "ଅଦିନ ମେଘ" ଉପନ୍ୟାସକୁ ଆଧାର କରି ସମାନ ନାମରେ ନିର୍ମିତ ଏହି ସିନେମାଟି ଜାନୁଆରୀ ୨୩, ୧୯୭୦ ମସିହାରେ କଟକରେ ମୁକ୍ତିଲାଭ କରିଥିଲା । "ଛାୟାବାଣୀ ବ୍ୟାନର"ରେ ପ୍ରସ୍ତୁତ ଏହି ସିନେମାର ପ୍ରଯୋଜନା ଭାର ବାବୁଲାଲ ଦୋଷୀଙ୍କ ହାତରେ ରହିଥିଲା । ବାବୁଲାଲ ଦୋଷୀ ସେତେବେଳକୁ ଓଡିଆ ସିନେମାର ସବୁଠୁ ସଫଳ ପ୍ରଯୋଜକ । "ଅଦିନ ମେଘ" ପୂର୍ବରୁ "ମାଟିର ମଣିଷ", "ଅଭିନେତ୍ରୀ" ଓ "ଅମଡା ବାଟ" ବେଶ ସଫଳ ସିନେମା ସାବ୍ୟସ୍ତ ହୋଇ ସାରିଥାଏ । ବାବୁଲାଲ ଦୋଷୀ ମୂଳତଃ ଗୁଜରାଟୀ ହେଲେ ମଧ୍ୟ ତାଙ୍କ ରକ୍ତରେ ଓଡିଆ ସଂସ୍କୃତିର ଧାରା ପ୍ରବାହ ରହିଥିଲା । ଓଡିଆ ସିନେମା ଓ ଓଡିଶୀ ନୃତ୍ୟ କ୍ଷେତ୍ରରେ ତାଙ୍କର ବିପୁଳ ଅବଦାନ ରହିଛି । ବସନ୍ତ କୁମାରୀ ଦେବୀଙ୍କ ଚର୍ଚ୍ଚିତ ଉପନ୍ୟାସ "ଅମଡା ବାଟ", କାହ୍ନୁଚରଣ ମହାନ୍ତିଙ୍କ "ଅଭିନେତ୍ରୀ" ଓ କାଳିନ୍ଦୀ ଚରଣ ପାଣିଗ୍ରାହୀଙ୍କ "ମାଟିର ମଣିଷ" ଉପନ୍ୟାସ ଆଧାରରେ ସିନେମା ତିଆରି କରି ସାରିଥିବା ବାବୁଲାଲ ଦୋଷୀଙ୍କ ଲାଗି କୁନ୍ତଳା କୁମାରୀ ଆଚାର୍ଯ୍ୟଙ୍କ ଉପନ୍ୟାସ ଆଧାରରେ ସିନେମା କରିବାର ଏକ ସ୍ଵାଭାବିକ ଧାରା ପ୍ରବାହ ବୋଲି କୁହାଯାଇପାରେ । ବାବୁଲାଲ ଦୋଷୀଙ୍କ ସିନେମା ନିର୍ମାଣ ପ୍ରକ୍ରିୟା ବିଷୟରେ ଏହି ସିନେମାର ବ୍ୟବସ୍ଥାପକ ତଥା ପ୍ରଖ୍ୟାତ ନାଟ୍ୟକାର ଓ ଅଭିନେତା କାର୍ତ୍ତିକ କୁମାର ଘୋଷ କହନ୍ତି - "ବାବୁଲାଲ ଦୋଷୀଙ୍କର ପ୍ରତ୍ୟେକ କାର୍ଯ୍ୟ