ବାର ମାସରେ ତେର ପର୍ବ ଏଠି । ବିଭିନ୍ନ ପର୍ବପର୍ବାଣି ଏଠି ପାଳିତ ହେଉଥିବାବେଳେ ପ୍ରତି ଓଡ଼ିଆ ମାସରେ ଏଠି ଅନେକ ଓଷା ଓ ବ୍ରତ ପାଳିତ ହୁଏ । ଚୈତ୍ର ମାସର ଏକ ଲୋକପ୍ରିୟ ଓଷା ହେଉଛି ମଙ୍ଗଳବାର ଓଷା । ଏହି ଓଷାକୁ ଚଇତି ମଙ୍ଗଳବାର ବୋଲି କୁହାଯାଏ । ପୁଣି ଏହା ବାଟରେ କରାଯାଉଥିବାରୁ ଏହାକୁ ବାଟ ମଙ୍ଗଳା ଓଷା ବା ପନ୍ଥେଇ ପୂଜା ବୋଲି କୁହାଯାଏ । ଏହି ଓଷାଟି ଚୈତ୍ରମାସର ପ୍ରତ୍ୟେକ ମଙ୍ଗଳବାର ଦିନ କରାଯାଇଥାଏ । ଏହା ବୈଶାଖ ମାସର ପ୍ରଥମ ମଙ୍ଗଳବାରରେ ଉଦ୍‌ଯାପିତ ହୋଇଥାଏ । ଚୈତ୍ର ମାସର ପ୍ରତ୍ୟେକ ମଙ୍ଗଳବାର ଦିନ ପନ୍ଥେଇ ପୂଜା କରାଯାଏ । ଏହି ପୂଜା କରିବା ଦ୍ୱାରା ମା’ ମଙ୍ଗଳାଙ୍କ କୃପା ମିଳିବାର ବିଶ୍ୱାସ ରହିଛି । ସ୍ୱାମୀ ଓ ସନ୍ତାନମାନଙ୍କ ମଙ୍ଗଳକାମନା କରି ସଧବା ସ୍ତ୍ରୀମାନେ ଚୈତ୍ର ମଙ୍ଗଳବାର ଓଷା ରଖିଥାନ୍ତି । ପୂଜା ବିଧି ଅନୁଯାୟୀ, ଗାଁ ଦାଣ୍ଡରେ ପନ୍ଥେଇ ଖୋଳା ଯିବା ପରେ ଗୋବର ପାଣିରେ ଲିପା ଯାଇଥାଏ । ପନ୍ଥେଇ ମଧ୍ୟରେ ହଳଦୀ, ଚୁଆ, କ୍ଷୀର, ପାଣି ଆଦି ଢଳାଯାଏ । ଏହାର ଚତୁଃପାର୍ଶ୍ୱରେ ଆମ୍ବଡାଳ, ଆମ୍ବକଷି, ଗୁଆ ରଖାଯିବା ସହ ସିନ୍ଦୂର ଓ ମୁରୁଜ ପକାଯାଇ ଫୁଲରେ ସଜ୍ଜା ଯାଏ । ବିଶେଷକରି ଲାଲ ମନ୍ଦାର ମା’ଙ୍କର ବେଶ୍ ପ୍ରିୟ । ଏହାପରେ ପନ୍ଥେଇ ନିକଟରେ ବିଭିନ୍ନ