ଭାରତୀୟ ଖାଦ୍ୟ ପରମ୍ପରାରେ ଓଡ଼ିଆ ବ୍ୟଞ୍ଜନ ବେଶ ନିଆରା । ଅନ୍ୟ ଆଞ୍ଚଳିକ ଭାରତୀୟ ରୋଷେଇ ତୁଳନାରେ ଓଡିଆ ରୋଷେଇରେ କମ୍ ତେଲ ଓ କମ୍ ମସଲା ବ୍ୟବହାର ହୋଇ ବେଶ ସୁଆଦିଆ ଖାଦ୍ୟ ପ୍ରସ୍ତୁତ ହୁଏ । ଆମେ ପୂର୍ବରୁ ଅନେକ ଓଡ଼ିଆ ବ୍ୟଞ୍ଜନ ସମ୍ପର୍କରେ ଆଲୋଚନା କରିଥିବାବେଳେ ଆଜି ଆମେ ଓଡ଼ିଆଙ୍କ ଅତି ପରିଚିତ ଦେଶୀ ଆମିଷ ବ୍ୟଞ୍ଜନ ଶୁଖୁଆକୁ ନେଇ ଆଲୋଚନା କରିବା । ଶୁଖୁଆ କହିଲେ ଶୁଖା ମାଛ ବା ଡ୍ରାଏଡ଼ ଫିସ । ମାଛକୁ ଅଧିକ ଦିନ କଣ ଅଧିକ ସମୟ ଯାଏ ମଧ୍ୟ ସତେଜ ଭାବେ ରଖି ହୁଏ ନାହିଁ । ଆଗକାଳରେ ଶୁଖେଇକି କିଛି ଖାଦ୍ୟ ପଦାର୍ଥକୁ ଅଧିକ ଦିନ ଯାଏ ସରଂକ୍ଷିତ କରି ରଖାଯାଉଥିଲା ସେଇ କ୍ରମରେ ମାଛକୁ ମଧ୍ୟ ଶୁଖେଇକି ରଖାଯାଇଥାଏ, ଯାହାକୁ ଆମେ ଶୁଖୁଆ ବୋଲି କହିଥାଉ । ଓଡ଼ିଆ ଜନଜୀବନରେ ବହୁଳ ଭାବେ ବ୍ୟବହୃତ ହୋଇଥାଏ ଏହି ଶୁଖୁଆ । ଆମିଷ ଭୋଜନ କରୁଥିବା ଲୋକେ ମାଛର ବିକଳ୍ପ ଭାବେ ଶୁଖୁଆ ବ୍ୟବହାର କରିଥାନ୍ତି । ଏହା ମାଛ ଅପେକ୍ଷା ବହୁତ ଶସ୍ତା ଅଟେ । ସାଧାରଣତଃ ଏହି ଖାଦ୍ୟଟି ନିମ୍ନ ମଧ୍ୟବିତ୍ତ ଓ ଖଟିଖିଆଙ୍କ ପ୍ରିୟ ବ୍ୟଞ୍ଜନ ଭାବେ ଉଭା ହୋଇଥାଏ । କିନ୍ତୁ ଶୁଖୁଆକୁ ସବୁବର୍ଗର ଲୋକେ ଖାଇଥାନ୍ତି । ପ୍ରାୟତଃ ଶୁଖୁଆ ଦୁଇ ପ୍ରକାରର । ସମୁଦ୍ର ମାଛକୁ ଶୁଖାଇ ଲୁଣି ଶୁଖୁଆ ତିଆରି