ପବିତ୍ର ହିନ୍ଦୁ ଧର୍ମରେ ଆ କା ମା ବୈକୁ ଚାରି ଧର୍ମ ମାସ ବୋଲି ଅଭିହିତ କରାଯାଇଛି । ଆ ହେଉଛି ଆଷାଢ, କା ହେଉଛି କାର୍ତ୍ତିକ, ମା ହେଉଛି ମାଘ ଓ ବୈ ହେଉଛି ବୈଶାଖ । ଜ୍ୟୋତିଷ ଶାସ୍ତ୍ର ଅନୁଯାୟୀ ମାଘ ମାସରେ ମଘା ନକ୍ଷତ୍ରଯୁକ୍ତ ପୂର୍ଣ୍ଣିମା ପଡ଼ୁଥିବାରୁ ମାସର ନାମ ମାଘ ହୋଇଛି । କୁହାଯାଏ ଯେ, ଏହି ମାସରେ ପବିତ୍ର ନଦୀରେ ସ୍ନାନ କରିବା ଦ୍ୱାରା ପାପମୁକ୍ତ ହୋଇ ସ୍ୱଲୋକକୁ ଯାଆନ୍ତି । ପଦ୍ମ ପୁରାଣର ଉତ୍ତରାଖଣ୍ଡରେ ମାଘ ମାସର ମାହାତ୍ମ୍ୟ ବର୍ଣ୍ଣନା କରାଯାଇଛି । ମାଘ ମାସରେ ପ୍ରତ୍ୟେକ ମନୁଷ୍ୟ ଗୋଟିଏ ଥର ପବିତ୍ର ନଦୀରେ ସ୍ନାନ କରିବା ଦ୍ୱାରା ପାପ କ୍ଷୟ ହୋଇ ପୁଣ୍ୟ ଅର୍ଜନ ହୁଏ । କୁହାଯାଏ ଯେ, ଏହି ମାସରେ ନଦୀମାନଙ୍କରେ ସ୍ନାନ କରିବା ଦ୍ୱାରା ଶରୀରକୁ ବିଭିନ୍ନ ରୋଗ ଦାଉରୁ ବଂଚେଇ ହୁଏ । ବ୍ରହ୍ମବୈବର୍ତ୍ତ ପୁରାଣରେ ଉଲ୍ଲେଖ ରହିଛି କି ମାଘ ପୂର୍ଣ୍ଣିମାରେ ଭଗବାନ ବିଷ୍ଣୁ ଗଙ୍ଗାଜଳରେ ନିବାସ କରନ୍ତି । ତେଣୁ ଏହି ସମୟରେ ଗଙ୍ଗାଜଳ ସ୍ପର୍ଶ ମାତ୍ରକେ ସ୍ୱର୍ଗ ପ୍ରାପ୍ତି ହୁଏ । ପଦ୍ମ ପୁରାଣ ଅନୁସାରେ ଭଗବାନ ବିଷ୍ଣୁ ବ୍ରତ, ଉପବାସ, ଦାନ ଧର୍ମ ଦ୍ୱାରା ଯେତିକି ପ୍ରସନ୍ନ ହୁଅନ୍ତିନି ସେତିକି ପ୍ରସନ୍ନ ହୁଅନ୍ତି ମାଘ ସ୍ନାନ କରିବା ଦ୍ୱାରା । ମାଘମାସରେ ବିଭିନ୍ନ ପ୍ରକାର ପର୍ବ ଅନୁଷ୍ଠିତ ହୁଏ ।