ଓଡ଼ିଆ ସମାଜ ମୁଖ୍ୟତଃ କୃଷିଭିତ୍ତିକ ତଥା ଜନଜୀବନ ଗ୍ରାମୀଣ ପରମ୍ପରା ଦ୍ୱାରା ପରିଚାଳିତ ହେଉଥିବାରୁ ଏଠାରେ ଅନେକ ପ୍ରକାରର ବ୍ରତ ପାଳନ ହୁଏ । ଏଠାରେ ପାଳିତ ହେଉଥିବା ବିଭିନ୍ନ ବ୍ରତ ମଧ୍ୟରେ ସୁଦଶା ବ୍ରତ ଅନ୍ୟତମ । ଏଥିରେ ଐଶ୍ବର୍ଯ୍ୟର ଦେବୀ ମହାଲକ୍ଷ୍ମୀଙ୍କୁ ପୂଜା କରାଯାଏ । ଯେଉଁ ମାସର ଶୁକ୍ଲ ପକ୍ଷ ଦଶମୀ ତିଥିଟି ଗୁରୁବାର ଦିନ ପଡେ ସେହି ଦିନ ସୁଦଶା ବ୍ରତ ପାଳିତ ହୁଏ । ଓଡ଼ିଆ ଘରର ଗୃହିଣୀମାନେ ଘରର ସୁଖ ସମୃଦ୍ଧି ପାଇଁ ଏହି ବ୍ରତକୁ ପାଳନ କରିଥାନ୍ତି । ସୁଦଶାର ଅର୍ଥ ଭଲ ସମୟ । କିନ୍ତୁ ଗ୍ରାମୀଣ ସଂସ୍କୃତିରେ ସମ୍ଭବତଃ ସୁଦଶା ଶବ୍ଦ ସହିତ ଦଶ ସଂଖ୍ୟାଟି ସଂଯୋଜିତ ହୋଇ ଆସିଅଛି । ଫଳରେ ଏହି ବ୍ରତରେ ଦଶ ପାଖୁଡ଼ା ପଦ୍ମ, ଦଶବର୍ଣ୍ଣ ମୁରୁଜ, ଦଶମୁଖୀ ଦୀପ, ଦଶମୁଠି ଚାଉଳ, ଦଶମେଞ୍ଚା କଦଳୀ, ଦଶଗୋଟି ମଣ୍ଡା ଓ ଲକ୍ଷ୍ମୀଙ୍କ ପ୍ରତୀକ ରୂପେ ଲକ୍ଷ୍ମୀଙ୍କ ଦଶନାମ ନେଇ ପୂଜା କରାଯାଏ । ଏହି ଦିନ ମାତା ଲକ୍ଷ୍ମୀଙ୍କୁ ଭକ୍ତିପୂତ ଭାବେ ପୂଜା କରାଯାଇ ଏକ ଦଶଖିଅ ଧଳା ସୂତାର ବ୍ରତ ପୂଜା କରାଯାଏ । ଏହି ବ୍ରତକୁ ମାତାଙ୍କର ଦଶଗୋଟି ନାଁ ନେଇ ସେଥିରେ ଗଣ୍ଠି ପକାଇ ବାହୁରେ ଧାରଣ କରାଯାଏ। ମାତାଙ୍କ ଦଶଗୋଟି ନାଁ ଗୁଡିକ ହେଲା - ଲକ୍ଷ୍ମୀନାରାୟଣୀ, କମଳିନୀ, ଶ୍ରୀହରିପ୍ରିୟା, ପଦ୍ମାଳୟା, କମଳା, ଚଞ୍ଚଳା,