ଲୋକପ୍ରିୟ ଲେଖକ/ଲେଖିକାଙ୍କ ଉପନ୍ୟାସମାନ ଚଳଚ୍ଚିତ୍ର ରୂପେ ରୂପାୟନ ହୋଇ ଓଡ଼ିଆ ସିନେ ଜଗତରେ ସଫଳ ଓଡ଼ିଆ ସିନେମା ରୂପେ ପରିଚିତି ପାଇଛନ୍ତି । ଆମେ ପୂର୍ବରୁ ଏପରି ବହୁ ଲୋକପ୍ରିୟ ଲେଖକ ଲେଖିକାଙ୍କ ଉପନ୍ୟାସକୁ ଆଲୋଚନା କରିଛୁ, ସେହି କ୍ରମରେ ଆଜି ରହିଛି ଲେଖିକା ଗାୟତ୍ରୀ ବସୁ ମଲ୍ଲିକଙ୍କ ଉପନ୍ୟାସ ଆଧାରରେ ନିର୍ମିତ ସିନେମା ‘କାବେରୀ’ । ୧୯୩୦ ମସିହାରେ ଜନ୍ମିତା ଲେଖିକା ଗାୟତ୍ରୀ ବସୁ ମଲ୍ଲିକ ନିଜ ଜୀବନକାଳରେ ୨୫ଟି ଉପନ୍ୟାସ ଓ ୨୦୦ରୁ ଉର୍ଦ୍ଧ୍ବ କ୍ଷୁଦ୍ର ଗଳ୍ପ ରଚନା କରିଥିଲେ । ତାଙ୍କ ରଚିତ କୃତି ମଧ୍ୟରେ ରହିଛି - କାବେରୀ, ମାଧବୀର ମଧୁରାତି, ମୃଗତୃଷ୍ଣାର ଇତିହାସ, ସାତ ସାଗର ତେର ନଈ, ସୂର୍ଯ୍ୟ ପରାଗ ପ୍ରମୁଖ । ସାହିତ୍ୟ ସର୍ଜନା ନିମନ୍ତେ ସେ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର ସମେତ ଅନେକ ପୁରସ୍କାର ପାଇଥିଲେ । ତାଙ୍କ ରଚିତ ‘କାବେରୀ’ ପରଦାରେ ମୁକ୍ତିଲାଭ କରି ପ୍ରଂଶସା ପାଇପାରିଥିଲା । ୧୯୮୩ ମସିହାରେ ରବି କିନାଗୀ ଓ ଗୋବିନ୍ଦ ତେଜଙ୍କ ଦ୍ୱୈତ ନିର୍ଦ୍ଦେଶନାରେ ପରଦାକୁ ଆସିଥିଲା ଓଡ଼ିଆ କଥାଚିତ୍ର କାବେରୀ । ତ୍ରିକୋଣୀୟ ପ୍ରେମ କାହାଣୀକୁ ନେଇ ନିର୍ମିତ ଏଇ ସିନେମାରେ ନିଛକ ଭଲପାଇବା, ତ୍ୟାଗ ଆଉ ସମର୍ପଣର କଥା ଦର୍ଶାଯାଇଛି । ବନ୍ଧୁତ୍ୱ, ପ୍ରେମ, ପ୍ରତିଶୋଧଙ୍କୁ ନେଇ ନିର୍ମିତ ଏଇ ସିନେମାର ମୁଖ୍ୟ ଚରିତ୍ରରେ ନଜର ଆସିଥିଲେ ଶ୍ରୀରାମ ପଣ୍ଡା, ମହଶ୍ୱେତା ରାୟ, ନିହାରିକା ସାହୁ, ବିଜୟ ମହାନ୍ତି, ଦେବୁ