ଅପୂର୍ବ ସୁଗନ୍ଧ ଓ ନିଆରା ସ୍ୱାଦ ପାଇଁ ଗୁଜୁରାତିକୁ ଭାରତୀୟ ମସଲାର ରାଣୀ କୁହାଯାଏ । ଏହାର ମଞ୍ଜି ଓ ଚୋପା ବାସ୍ନାଯୁକ୍ତ । ଖାଦ୍ୟର ସ୍ୱାଦ ଓ ବାସ୍ନା ବଢ଼ାଇବା ପାଇଁ ଆମେ ଗୁଜୁରାତି ବ୍ୟବହାର କରିଥାଉ । ଆମିଷ ହେଉ କି ନିରାମିଷ, ସବୁ ପ୍ରକାରର ତରକାରୀରେ ବି ଗୁଜୁରାତି ଗୁଣ୍ଡକୁ ଭାରତୀୟମାନେ ବ୍ୟବହାର କରିଥାନ୍ତି । ଏହା ବ୍ୟଞ୍ଜନର ସ୍ୱାଦକୁ ଦ୍ୱିଗୁଣିତ କରିଥାଏ । ଖାସ୍‌ କରି ଚା’ରେ ଅଧିକାଂଶ ଲୋକ ଗୁଜୁରାତି ପକାଇବାକୁ ପସନ୍ଦ କରନ୍ତି । ଏହାର ବାସ୍ନା ଚା’ର ସ୍ୱାଦକୁ ବଢ଼ାଇଦିଏ । ଭାରତୀୟ ବ୍ୟଞ୍ଜନରେ ବ୍ୟବହୃତ ହେଉଥିବା ଗରମ ମସଲାରେ ଗୁଜୁରାତି ଏକ ପ୍ରମୁଖ ଉପାଦାନ । ସାଧାରଣତଃ ସବୁଜ (ଛୋଟ) ଅଳେଇଚକୁ ଗୁଜୁରାତି ବୋଲି କୁହାଯାଏ । ଏହାର ଅପୂର୍ବ ସୁଗନ୍ଧ ଓ ସ୍ୱାଦ ହିଁ ଏହାର ବିଶିଷ୍ଟତା । ନିଆରା ସ୍ୱାଦ ପାଇଁ ମସଲା ଜଗତର ରାଣୀ ହେଉଛି ଗୁଜୁରାତି । ଭାନିଲା ଓ କେଶର ପରେ ଗୁଜୁରାତି ହେଉଛି ସବୁଠୁ ଦାମିକିଆ ମସଲା । ପୁଣି ଏହା ହେଉଛି ଆମ ପାନ ଡବାର ସାଥି, ଆମ ସଂସ୍କୃତିର ପରିଚୟ । ଘରକୁ କେହି କୁଣିଆ ଆସିଲେ ତାଙ୍କୁ ଗୁଜୁରାତି, ଲବଙ୍ଗ ଦେବାର ବିଧି ଅଛି । ପାନ ହେଉ କି ଚା, ସବୁଠି ଗୁଜୁରାତି ଲୋଡ଼ା । ପୁଣି ଓଡ଼ିଆରେ ପ୍ରସ୍ତୁତ ହେଉଥିବା ମିଷ୍ଠାନ୍ନ ହେଉ କି