୧୯୪୮ ମସିହା ଏପ୍ରିଲ ମାସ ୧୩ ତାରିଖରେ ଭୁବନେଶ୍ବରକୁ ମିଳିଥିଲା ରାଜଧାନୀର ସ୍ବୀକୃତି । କ୍ୟାପିଟାଲ ଭୁବନେଶ୍ୱରର କାହାଣୀ ଯଦିଓ ବେଶୀ ଲମ୍ବା ନୁହେଁ, ତେବେ ଏହି ନଗରଟି ହେଉଛି ପ୍ରାୟ ତିନି ହଜାର ବର୍ଷର ପୁରୁଣା । ୧୯୪୮ ମସିହା ଏପ୍ରିଲ ୧୩ ତାରିଖରେ ତତ୍କାଳୀନ ପ୍ରଧାନମନ୍ତ୍ରୀ ପଣ୍ଡିତ ଜବାହାରଲାଲ ନେହେରୁଙ୍କ ଦ୍ବାରା ରାଜଧାନୀର ଶୁଭ ଦିଆଯାଇଥିଲା । ବିଧାନସଭା ସମ୍ମୁଖରେ ରାଜଧାନୀ ଶିଳାନ୍ୟାସର ଫଳକ ରହିଛି । ୧୯୪୯ ମସିହାରେ କଟକରୁ ରାଜଧାନୀ ଏଠାକୁ ସ୍ଥାନାନ୍ତର ହୋଇଥିଲା । ମନ୍ଦିରମାଳିନୀ ସହରରୁ ସ୍ମାର୍ଟ ସିଟିର ଲମ୍ବା ଯାତ୍ରା ଭିତରେ ସହରରେ ଅନେକ କିଛି ବଦଳିଛି । ସବୁଜ ସହରରୁ ଏବେ କଂକ୍ରିଟ ସହରରେ ପାଦ ଥାପିଛି । ତେବେ କେବଳ ସହରର ରୂପରେଖ ବଦଳିନି, ଏଠି ଲୋକଙ୍କ ଜୀବନଶୈଳୀ ବି ବଦଳିଛି । ପନ୍ଦର ହଜାର ଜନସଂଖ୍ୟାରୁ ଏବେ ପନ୍ଦର ଲକ୍ଷ ଜନସଂଖ୍ୟାରେ ପହଂଚିଛି । ଭୁବନେଶ୍ୱର କାହା ପାଇଁ ସ୍ୱପ୍ନର ସହର ତ ପୁଣି କାହା ପାଇଁ ଆଶା ଆଉ ସମ୍ଭାବନାର ସହର । ଐତିହ୍ୟ ନଗରରୁ ସ୍ମାର୍ଟ ସିଟିର ଯାତ୍ରାରେ ଭୁବନେଶ୍ୱରରେ କିଛି ପୁରୁଣା ଜିନିଷ ଭଙ୍ଗା ଯାଇଛି ତ କିଛି ନୂଆ ଗଢ଼ା ହୋଇଛି । ନୂଆ ପୁରୁଣା ସମସ୍ତଙ୍କୁ ଏକ ସାଙ୍ଗରେ ନେଇ ନିଜର ଯାତ୍ରା ଜାରି ରଖିଛି ଭୁବନେଶ୍ୱର । ଭୁବନେଶ୍ୱରର ନାମ ମହାଦେବଙ୍କ ତ୍ରିଭୁବନେଶ୍ୱର ନାମରୁ ଆସିଛି । ଏହି ସହରରେ ଇତିହାସ