ପ୍ରଭୁ ଯୀଶୁଙ୍କ ଜନ୍ମଦିବସକୁ ବଡ଼ଦିନ ରୂପେ ପାଳନ କରାଯାଏ । କେବଳ ଖ୍ରୀଷ୍ଟ ଧର୍ମାବଲମ୍ବୀମାନେ ନୁହନ୍ତି, ଜାତି ଧର୍ମ ବର୍ଣ୍ଣ ନିର୍ବିଶେଷରେ ସମସ୍ତେ ଏହି ପର୍ବକୁ ଖୁସିରେ ପାଳନ କରନ୍ତି, ଆସନ୍ତୁ ଜାଣିବା ବଡ଼ଦିନ ସମ୍ପର୍କରେ କିଛି । ଯୀଶୁ ବା ଯୀଶୁ ଖ୍ରୀଷ୍ଟ ହେଉଛ‌ନ୍ତି ଖ୍ରୀଷ୍ଟଧର୍ମର ପ୍ରବର୍ତ୍ତକ । ଖ୍ରୀଷ୍ଟ ଧର୍ମାବଲମ୍ବୀଙ୍କ ଅନୁସାରେ ଯୀଶୁ ହେଉଛନ୍ତି ପରମେଶ୍ୱରଙ୍କ ପୁତ୍ର । ଯୀଶୁଙ୍କ ଜୀବନ ଏବଂ ଉପଦେଶ ବାଇବେଲର ନୂତନ ନିୟମରେ ବର୍ଣ୍ଣନା କରାଯାଇଛି । କାରଣ ସେ ହିଁ ଈଶ୍ୱରଙ୍କ ଅଦ୍ୱିତୀୟ ପୁତ୍ର ଅଟନ୍ତି । ବଡ଼ଦିନ ବା କ୍ରିସ୍‌ମାସ୍‌ ହେଉଛି ଖ୍ରୀଷ୍ଟ ଧର୍ମାବଲମ୍ବୀଙ୍କ ପ୍ରମୁଖ ପର୍ବ । ଏହା ପ୍ରଭୁ ଯୀଶୁଙ୍କ ଜନ୍ମଦିନ । ଯୀଶୁ ଖ୍ରୀଷ୍ଟ ସମାଜକୁ ସ୍ନେହ ଓ ମାନବିକତାର ଶିକ୍ଷା ଦେଇଥିଲେ । ଖ୍ରୀଷ୍ଟିୟାନ ଧର୍ମ ଅନୁସାରେ ପ୍ରଭୁ ଯୀଶୁଙ୍କୁ ଈଶ୍ୱରଙ୍କ ସନ୍ତାନ ଭାବରେ ଗ୍ରହଣ କରାଯାଇଥାଏ l ପ୍ରତିବର୍ଷ ଡିସେମ୍ବର ୨୫ ତାରିଖ ଦିନ ପ୍ରଭୁ ଯୀଶୁଙ୍କ ଜନ୍ମଦିନ ପାଳନ କରାଯାଇଥାଏ । ବିଭିନ୍ନ ଦେଶରେ କ୍ରିସ୍‌ମାସ୍‌ ପର୍ବର ଭିନ୍ନ ଭିନ୍ନ ନାମ ରହିଛି ସତ, ତେବେ ଭାରତ ତଥା ଓଡ଼ିଶାରେ ଏହି ପର୍ବକୁ ବଡ଼ଦିନ ବୋଲି କୁହାଯାଇଥାଏ । କାରଣ ସାଧାରଣତଃ ଶୀତ ଋତୁରେ ଦିନ ଛୋଟ ଓ ରାତି ବଡ଼ ହୋଇଥାଏ, ମାତ୍ର ଡ଼ିସେମ୍ବର ୨୫ ତାରିଖରେ ଦିନ ଅପେକ୍ଷାକୃତ ବଡ଼ ରହିଥାଏ, ଏଥିପାଇଁ ଏହିଦିନକୁ ବଡ଼ଦିନ ବୋଲି କୁହାଯାଏ