ନରେନ୍ଦ୍ର କୁମାର ମିତ୍ର, ବି. ତ୍ରିଲୋଚନ, କାଳୀଚରଣ ପଟ୍ଟନାୟକ, ଶିବ ଭଟ୍ଟାଚାର୍ଯ୍ୟଙ୍କ ମିଳିତ ନିର୍ଦ୍ଦେଶନାରେ ପ୍ରସ୍ତୁତ ‘ନାରୀ’ କଥାଚିତ୍ରଟି ୧୯୬୩ ମସିହାରେ ମୁକ୍ତିଲାଭ କରିଥିଲା । ଏହି ସିନେମାର ପ୍ରଯୋଜନାର ଭାର ନରେନ୍ଦ୍ର କୁମାର ମିତ୍ରଙ୍କ କାନ୍ଧରେ ନ୍ୟସ୍ତ ରହିଥିଲା । ନରେନ୍ଦ୍ର କୁମାର ମିତ୍ର, ବି. ତ୍ରିଲୋଚନ, କାଳୀଚରଣ ପଟ୍ଟନାୟକ, ଶିବ ଭଟ୍ଟାଚାର୍ଯ୍ୟ ଏହି ସିନେମାର ସଂଳାପ ରଚନା କରିଥିଲେ । ସିନେମାରେ ମୁଖ୍ୟ ଭୂମିକାରେ ଅନୀମା ପେଦିନୀ, ନରେନ୍ଦ୍ର କୁମାର ମିତ୍ର, କବିଚନ୍ଦ୍ର କାଳୀଚରଣ, ଅଶୋକ ଚକ୍ରବର୍ତ୍ତୀ, ଦୁର୍ଲଭ ସିଂହ, ଗୋକୁଳି କର, କମଳା ସେନ, ବଳରାମ ମିଶ୍ର, ନିତ୍ୟାନନ୍ଦ, ରବିନ, ଅସୀମା ଓ ଚନ୍ଦନା ପ୍ରମୁଖ ଅଭିନୟ କରିଥିଲେ । ସିନେମାର କାହାଣୀରେ ନାରୀ କେମିତି ଏକ ତ୍ୟାଗ, ସ୍ନେହ ଓ ଭଲପାଇବାର ମୂର୍ତ୍ତିମନ୍ତ ପ୍ରତୀକ ତାହା ଦର୍ଶାଯାଇଛି । ନାରୀ - ପ୍ରେମର ପ୍ରବାହମାନ ଧାରା, ସେ ହେଉଛି ତ୍ୟାଗ ଆଉ ଭଲପାଇବାର ପ୍ରତିମୂର୍ତ୍ତି । ନାରୀ କେମିତି ପ୍ରେମ ପାଇଁ ନିଜ ଜୀବନକୁ ତ୍ୟାଗ କରିପାରେ, ତାହା ଏହି ଫିଲ୍ମରେ ବର୍ଣ୍ଣନା କରାଯାଇଛି । କବିଚନ୍ଦ୍ର କାଳୀଚରଣ ପଟ୍ଟନାୟକଙ୍କ ରଚିତ ଗୀତଗୁଡିକୁ କାଳୀଚରଣ ପଟ୍ଟନାୟକ ଓ ଉଦୟନାଥ ସଂଗୀତରେ ସ୍ଵରବଦ୍ଧ କରିଥିଲେ । ସିନେମାର ଗୀତଗୁଡିକରେ ଉଦୟନାଥ, ନିର୍ମଳା ମିଶ୍ର, କମଳା, କାଳୀଚରଣ ପ୍ରମୁଖ କଣ୍ଠଦାନ କରିଥିଲେ । ସିନେମାର କାହାଣୀରେ ଜୟନ୍ତ ଓ ମାନସୀ ଦୁହେଁ ଦୁହିଁଙ୍କୁ ଖୁବ ଭଲ ପାଆନ୍ତି ଏବଂ ବିବାହ ମଧ୍ୟ