ସର୍ଜନାତ୍ମକ ଲେଖା ପ୍ରତିଯୋଗିତା ୨୦୨୪
ସାରସ୍ବତ ଶୁଭେଚ୍ଛା ଓ ଶୁଭକାମନା । ଓଡ଼ିଆ ଭାଷାର ପ୍ରଚାର ତଥା ଡିଜିଟାଲ୍ ସାହିତ୍ଯକୁ ସୁଦୃଢ କରିବାର ଲକ୍ଷ୍ଯ ନେଇ ବାଟୋଇ ହବ୍ ଓଡ଼ିଆ ଭାଷାରେ ଏକ ସର୍ଜନାତ୍ମକ ଲେଖା ପ୍ରତିଯୋଗିତା ୨୦୨୪ (କ୍ରିଏଟିଭ୍ ରାଇଟିଂ ଚ୍ଯାଲେଞ୍ଜ ୨୦୨୪)ର ଆୟୋଜନ କରିଛି ।
ଶୈଶବ ଥିମ୍ (ବିଷୟବସ୍ତୁ)କୁ ନେଇ ଆୟୋଜିତ ଏହି ପ୍ରତିଯୋଗିତାଟି ଏକମାସବ୍ଯାପୀ ଭର୍ଚୁଆଲ୍ ମୋଡ୍ ରେ ଅନୁଷ୍ଠିତ ହେବ । ଏହି ଭର୍ଚୁଆଲ୍ ଲେଖା ପ୍ରତିଯୋଗିତାରେ ଯୋଗ ଦେବା ପାଇଁ ଆମେ ସମସ୍ତଙ୍କୁ ଆହ୍ବାନ କରୁଛୁ । ଏହି ପ୍ରତିଯୋଗିତା ଜରିଆରେ ନିଜ ପିଲାଦିନର ଅନୁଭବ, ସ୍ମୃତି ଓ କାହାଣୀକୁ ଆମ ପ୍ଲାଟଫର୍ମରେ ବ୍ଯାଖ୍ଯା କରିବାକୁ ଆମେ ସୁଯୋଗ ପ୍ରଦାନ କରୁଛୁ । ଆସନ୍ତୁ, ନିଜ ଜୀବନର ଅଭୁଲା ସମୟକୁ ଆମ ପ୍ଲାଟଫର୍ମ ଜରିଆରେ ଅଗଣିତ ପାଠକଙ୍କ ପାଖରେ ସେୟାର କରନ୍ତୁ ଏବଂ ନିଜ ସୃଜନଶୀଳ ପ୍ରତିଭାର ପ୍ରଦର୍ଶନ କରି ପୁରସ୍କାର ପାଇବାର ଅବସର ପ୍ରାପ୍ତ କରନ୍ତୁ ।
ପୁରସ୍କାର
- ଶ୍ରେଷ୍ଠ ତିନୋଟି ଲେଖା (ଗଳ୍ପ, କବିତା, ପ୍ରବନ୍ଧ - ପ୍ରତ୍ଯେକ ବିଭାଗ ପାଇଁ ଶ୍ରେଷ୍ଠ ତିନୋଟି ଲେଖାଏଁ ଲେଖା ଚୟନ କରାଯିବ), ବାଟୋଇ ହବ୍ ରେ ସ୍ଥାନ ପାଇବ ଏବଂ ଆମ ଫେସବୁକ୍ ପୃଷ୍ଠାରେ ମଧ୍ୟ ପୋଷ୍ଟ କରାଯିବ।
- ବିଜେତା ତଥା ଶ୍ରେଷ୍ଠ ଲେଖାଗୁଡିକ ଲୋକପ୍ରିୟ ସାହିତ୍ଯ ପତ୍ରିକା ‘ବିଶ୍ବମୁକ୍ତି’ ଓ ମାସିକ ଓଡ଼ିଆ ପତ୍ରିକା ‘ଆମରି ସତ୍ଯ’ର ଆଗାମୀ ସଂଖ୍ଯାରେ କ୍ରମାନ୍ବୟରେ ପ୍ରକାଶିତ ହେବ ।
- ଏହି ପ୍ରତିଯାେଗିତାର ଶ୍ରେଷ୍ଠ ଦଶଜଣ ପ୍ରତିଯୋଗୀଙ୍କୁ ଇ - ପ୍ରମାଣପତ୍ର ଦିଆଯିବ ।
କିପରି ପୋଷ୍ଟ କରିବେ
- ବିଦ୍ଯମାନ ବ୍ଯବହାରକାରୀ ବାଟାେଇ ହବ୍ କୁ ଲଗ୍ଇନ୍ କରନ୍ତୁ । ନବାଗତ ବ୍ଯବହାରକାରୀ, ଆମ ସହାୟକ ନିବନ୍ଧ ର ସାହାଯ୍ଯ ନେଇ ଏକ ଆକାଉଣ୍ଟ ଖୋଲନ୍ତୁ ଏବଂ ଲଗ୍ଇନ୍ କରନ୍ତୁ ।
- ଲଗ୍ଇନ୍ କରିବା ପରେ ଆପଣ ନିଜ ପ୍ରୋଫାଇଲକୁ ଦେଖିପାରିବେ ।
- ଏହାପରେ ଡ୍ଯାସବୋର୍ଡରେ ଥିବା ପୋଷ୍ଟ ମେନ୍ଯୁ ଉପରେ କ୍ଲିକ୍ କରନ୍ତୁ ।
- ଏଠାରେ ଆପଣ ନିଜ ଲେଖାକୁ ଲେଖି ପାରିବେ ଅଥବା ପେଷ୍ଟ କରିପାରିବେ ।
- ନିଜ ଲେଖା ପ୍ରକାଶ କରିବା ସମୟରେ ବିଭାଗଗୁଡିକ ମଧ୍ୟରୁ 'ଶିଶୁ ସାହିତ୍ଯ' ଚୟନ କରନ୍ତୁ ।
- ଉପଯୁକ୍ତ କଭର ଫଟୋ ଅପଲୋଡ୍ କରନ୍ତୁ ।
- ଏହାପରେ ସେଭ୍ ଏବଂ ଲାଇଭ୍ ବଟନ୍ ରେ କ୍ଲିକ୍ କରନ୍ତୁ ।
- ନିଶ୍ଚିତ କରନ୍ତୁ ଯେ ଆପଣଙ୍କ ଦ୍ବାରା ଦାଖଲ ହାେଇଥିବା ଲେଖା ଆପଣଙ୍କର ନିଜସ୍ବ ଏବଂ ପ୍ରତିଯୋଗିତାର ସମସ୍ତ ନିୟମ ଓ ନିର୍ଦ୍ଦେଶାବଳୀକୁ ପାଳନ କରୁଛି ।
ନିୟମ ଏବଂ ନିର୍ଦ୍ଦେଶାବଳୀ
- ଲେଖାଟି କେବଳ ଓଡ଼ିଆ ଭାଷାରେ ହେବା ଆବଶ୍ୟକ ।
- ଏହି ପ୍ରତିଯୋଗିତାରେ ଗଳ୍ପ, କବିତା, ପ୍ରବନ୍ଧ ଲେଖା ଗ୍ରହଣୀୟ।
- ଗଳ୍ପଟି ୩୦୦ରୁ ୧୦୦୦ ଶବ୍ଦ ମଧ୍ୟରେ, କବିତାଟି ୧୦୦ରୁ ୨୦୦ ଶବ୍ଦ ମଧ୍ୟରେ ଓ ପ୍ରବନ୍ଧଟି ୫୦୦ରୁ ୧୦୦୦ ଶବ୍ଦ ମଧ୍ୟରେ ରହିବା ଉଚିତ୍ ।
- ପ୍ରତ୍ୟେକ ଅଂଶଗ୍ରହଣକାରୀ କେବଳ ଗୋଟିଏ ଲେଖା ଦାଖଲ କରିପାରିବେ ।
- ଲେଖାଟି ପିଲାଦିନର ସ୍ମୃତି ଏବଂ ଅନୁଭୂତି ଉପରେ କେନ୍ଦ୍ରିତ ହେବା ଆବଶ୍ୟକ ।
- ନିଜ ଲେଖା ପ୍ରକାଶ କରିବା ସମୟରେ 'ଶିଶୁ ସାହିତ୍ଯ' ଶ୍ରେଣୀ ବା ବିଭାଗରେ ଯୋଡ଼ିବା ବାଧ୍ୟତାମୂଳକ ଅଟେ ।
- ଲେଖାଟି ବାଟୋଇ ହବ୍ ରେ ପୂର୍ବରୁ ପ୍ରକାଶିତ ହୋଇନଥିବା ଆବଶ୍ୟକ ।
- ଲେଖାଟିରେ କୌଣସି ବନାନ ବା ବ୍ୟାକରଣଗତ ତ୍ରୁଟି ରହିବା ଉଚିତ୍ ନୁହେଁ ।
- ବିଚାରକ ମଣ୍ଡଳୀଙ୍କ ଦ୍ୱାରା ଗ୍ରହଣ କରାଯାଇଥିବା ନିର୍ଣ୍ଣୟ ହିଁ ଅନ୍ତିମ ଓ ବାଧ୍ୟତାମୂଳକ ନିର୍ଣ୍ଣୟ ହେବ ।
- ଲେଖା ସହିତ କଭର ଫଟୋ ମଧ୍ୟ ରହିବା ଉଚିତ ।
- ଅସମାପ୍ତ ଲେଖା ଅଯୋଗ୍ୟ ଘୋଷିତ ହେବ ।
ଯଦି ଏନେଇ କୌଣସି ଦ୍ବନ୍ଦ୍ବ ରହିଛି, ତେବେ ଦୟାକରି ଆମର ସହାୟକ ନିବନ୍ଧ ପଢନ୍ତୁ ।
ଅଧିକ କିଛି ଜାଣିବାକୁ ଚାହୁଁଥିଲେ
ଏହି ସମ୍ପର୍କିତ ଅଧିକ କିଛି ପ୍ରଶ୍ନ ରହିଥିଲେ ଅଥବା ସାହାଯ୍ଯ ଚାହୁଁଥିଲେ, ବିନା ଦ୍ବନ୍ଦ୍ବରେ ଯାେଗାଯୋଗ କରନ୍ତୁ ।