
ତୃଷ୍ଣା ତମର ବି ଥିଲା ।
ଆଖିରେ ଚେଷ୍ଟା ଥିଲା ସ୍ୱାଭାବିକତାର
ଛୁଇଁବାର ଇଚ୍ଛା କିନ୍ତୁ
ତମର ବି ଥିଲା ।
ଠିକ ହେଇଚି ।
ମୁଁ ଏଥର ନିର୍ବିକାର ହେବି
ହାତ ମୋ ଦେବିନି ହାତକୁ
ଉପଭୋଗ କରିବି
ତମ ବ୍ୟାକୁଳତା ।
କିମ୍ବା ଏସବୁ ମୋ କେବଳ କଳ୍ପନା ?
ତମେ ନାହଁ
ମୁଁ ଖାଲି ଭାବୁଛି ଯେ ଅଛ ?
ମୋ ଆକାଶ,
ମୋ ପୃଥିବୀ,
କୋଉଠି ବି ତମର କିଛି
ଚିହ୍ନବର୍ଣ୍ଣ ନାହିଁ ।
ତାହେଲେ କେମିତି
ତମ ନିଶ୍ୱାସର ସ୍ପର୍ଶ ପାଇଯାଏ ?
ଏକୁଟିଆବେଳେ ଶୁଭେ
ତମ କଣ୍ଠସ୍ୱର ?
ମିଛ ସତ ନେଇ ଭାରି ଦ୍ୱନ୍ଦ୍ୱରେ ପଡିଛି ।
ତମେ ଆସ,
ସମାଧାନ କର ।